أحمد سليمان ... متنبي الشعر الشعبي

أحمد سليمان ... متنبي الشعر الشعبي

بديت أنسى.. بديت أسلى .. بديت أسج عن ذكراك
بديت أرتاح في تالي ليالي الشوق والأشواق

بديت أقوى.. بديت أقسى .. بديت أضيق من طرياك
بديت أعشق دموعك حيل وجرحك لا بكى بأعماق

بديت اجمع خطايا العمر وانثرها على ممشاك
أبيها تسقي ذنوبك.. شجر عاري من الأوراق

تصوّر!! صارت الخطوة الى من جيتني بخطاك
عذاب يجر بيـدينـه عذاب يقود له خفـّاق

نصحتك يومها بيـدك ..سألتك.. شالذي قساك؟
طلبتك.. تكفى طاوعني ترى قلبٍ غفا بك!! فاق

تهاونت وحسبت انك قدرت.. وشفتني بعماك
غرورك شوف وش سوى..نسيتك حتى لو!! تشتاق

ونسيت إن الخفوق اللي يوقف لو فقد دنياك
عذابه وموته يا ظالم يهون.. ولا يهون !!اشفاق

نسيت؟! اللي خلق حبك.. خلق قلبٍ قدر ينساك
ونسيت اللي عشق طرفك نزع طيفك من !!الأحداق

نسيت !!أســأل بقايا الأمس.. لو باقي نزيف ادماك
نسيت !! اســأل حنين الجرح.. من فينا شعوره!! راق؟

نسيت اني على جرحك شفوق وخاطري يعصاك
أدور .. وينها دروب الشقى.. واقول !!يا بوّاق

غريبة!! ما بعد صارت ولا عمري عصيت رضاك
0ولا ضنيت انا باقدر.. اشوف النزف بك !!دفّاق

وأنا نفسي أشوف إني قسيت أكثر من اللي جاك
والى مني بغيت أعطف.. ذكرتك جرح ما!! ينطاق



صـار الغـرام اللي تبيـه
حبر ودفاتر واشتيـاق
بين الورق صفحة حـزن
في نبضهـا جـرح الفـراق
ضمّـت همـوم أيامهـا
ولمّـت بقايـا عطورهـا وذكـرى بقـت في جنوبهـا
الله يجيـرك من سطـور
والصفحـة اللي ما تبـور
تعيـش في وجه الزمـن تاريـخ في الظلمـات نـور
كـم من سنـه مــرّت
على آخـر شمـوع الفـرح
اسأل يـدي
واسأل جفـاف الشمـع في كفـوف الصبر
اسأل عيـون الجـرح
اللي نـدى جرحــه
واسأل دمـوع العيـن
اللي السنـة في عيونهـا مليـون سنـه
وأنـا وعدتـك كـل سنـه
لمّـا تمـر فيني سنـه
أبكي عليـك أحـزن عليك
ما أبكي على جرحي أنـا
ما أنـدم على راس السنة
اللي بكت فيـه الشموع
ونـامت على متنه دمـوع
حزني عليـك وهمـي عليـك
يا للي وعدتـك كل سنـه
هــــذي سنــه .